Futbollisti i Palmeiras, Endrick, është bërë zyrtarisht pjesë e Real Madridit.
Klubi spanjoll kishte rënë dakord për nënshkrimin me Endrick që në vitin 2022, me planin që ai t’i bashkohej skuadrës madrilene në korrik të këtij viti, pasi të bëhej tetëmbëdhjetë vjeç.
Sipas mediave spanjolle, Endrick që do ta veshë fanellën me numrin gjashtëmbëdhjetë, u afrua për një vlerë fillestare prej 35 milionë euro, me 25 milionë euro të tjera në shtesa të mundshme.
“Nuk kam fjalë për të përshkruar atë që ndiej. Gjithmonë kam dashur të jem këtu. Doja të luaja për Real Madrid. Ishte një ëndërr. Sot është një realitet”, ka thënë Endrick pas zyrtarizimit të transferimit të tij.
Gjatë karrierës së tij me Palmeiras, Endrick ka shënuar njëzet e një gola në tetëdhjetë e dy ndeshje. Përveç kësaj, ai ka shënuar tri herë në dhjetë paraqitje për Brazilin që nga debutimi i tij vitin e kaluar.
