Pas publikimit të informatave nga Democracy +, ka reaguar komuna e Prishtinës duke sqaruar se z. Kreshnik Ferizi është caktuar anëtar i Komisionit Vlerësues për aktivitetin: Konsulencë për Themelimin e Shërbimit të Arkitektit të Kryeqytetit në shtator të vitit 2022.
“z. Ferizi gjatë kësaj kohe ka qenë i angazhuar me kontratë pune nga Kryeqyteti dhe në këtë komision është angazhuar si pjesë e detyrave dytësore si çdo zyrtar. Pjesëmarrja e zyrtarëve në komisione vlerësuese është proces i rregullt administrativ në secilin institucion, siç ka qenë rasti me z. Ferizi”, theksohet në një deklarate te KK te Prishtinës.
Komuna e Prishtine siguroi se z. Kreshnik Ferizi nuk figuron në asnjë dokument të dorëzuar nga kompania Anarch SH.P.K si pjesë e aplikimit për tenderin e Shërbimit të Arkitektit të Kryeqytetit. “Prandaj, nuk ka pasur asnjë konflikt të interesit. Gjithashtu, çdo anëtar i Komisionit Vlerësues ka nënshkrua deklaratën nën betim për respektim të të gjitha akteve ligjore”. /Kosovatimes/
