Ministri për Komunitete dhe Kthim Nenad Rashiq, i shoqëruar nga zëvendësministri i Bujqësisë Llazar Raduloviq, vazhdoi vizitat tek fituesit e granteve në kuadër të projektit “Forcimi i komuniteteve përmes mbështetjes së ndërmarrjeve të vogla dhe të mesme” në komunat e Kamenicës, Ranillugut dhe Kllokotit.
Ministri Rashiq dhe zëvendësministri Llazar Raduloviq filluan vizitën e tyre te fituesit e granteve në fushën e bujqësisë dhe biznesit në komunën e Kamenicës.
Të shoqëruar nga bashkëpunëtorët, ata vizituan edhe fituesit e granteve në territorin e komunës së Ranillugut.
Më pas u bë një vizitë tek sipërmarrësit, puna e të cilëve u përmirësua me mbështetjen e Ministrisë së Kthimit dhe komunitetit në komunën e Kllokotit, raporton RTK2.
