Trajneri i Kosovës në xhudo, Driton Kuka, në një intervistë ekskluzive për RTK, ka folur për eksperiencën në Lojërat Olimpike ‘Paris 2024’.
Kosova në ‘Paris 2024’, arriti të fitojë dy medalje. Distria Krasniqi të argjendtë dhe Laura Faziu të bronztën.
Fillimisht Kuka falënderoj ekipin e RTK-së për përcjellin e mirë të ngjarjeve në ‘Paris 2024’.
“Së pari faleminderit për përcjelljen e mirë që janë me rëndësi të madhe, për shtetin tonë, që gjithmonë po ka sfida të jashtëzakonshme në arenën ndërkombëtare duke ditur se shumë shtete s’e njohin Kosovën. Sporti e ka thyer barrierën, e kemi ngritur flamurin në shtete që s’na njohin dhe janë kundër nesh”, ka thënë Kuka.
Kosova tashmë ka pesë medalje olimpike në Olimpiadat (Rio, Tokio dhe Paris). Sipas Kukës, kjo është arritje e jashtëzakonshme.
“Pesë medalje ka qenë objektivi ynë, është arrit diçka e jashtëzakonshme. E nisëm në Rio, vazhduam në Tokio e pastaj u përmbushëm në Paris. Gjithçka po shkëlqen me medaljet e fituara për shtetin e Kosovës”, tha Kuka.
“Kam qenë ndër më të kërkuesit që të ndikojë që të mbahet xhudo aty, duke parë interesimin në Francë e sidomos në Paris. Grand Slam mbushet plot e le më për Lojërat Olimpike. I kemi fituar dy medalje, një vend të pestë për Akilin, i cili përformoi në nivel të mrekullueshëm por vetëm medalja i mungoi”, pohoi ai.
Strategu kosovar mendon se Distria Krasniqi e ka merituar medaljen e artë. Kuka pohon se ka pritur pak më shumë nga Laura Fazliu.
“Distria faktikisht e meritoi edhe të artën, por dëshira ia humbi fokusin në lojën finale. Laura nuk përformoi aq sa mundet, por prapë fitoi medalje”.
“Shok-momenti i Laurës? Të them të drejtën e thonë shumë qartë se kapjet për këmbë janë të ndaluara, nuk e pashë as unë por VAR-i është i sofistikuar dhe e kanë pa. Hudhja e Akilit në gjysmëfinale, unë mendova që përfundoi, por pastaj kamerat e panë se nuk kishte prekur me krahë. Kur e pashë më vonë në mënyrë të detajuar, e pashë që referët ishin të drejtë. Te lufta me kroaten ne nuk e pamë, as referi kryesor por ajo vetëm që e kapi për këmbë, por edhe fitoi pikë duke e shtyrë. Ka qenë aksion i shpejtë dhe nuk shihet ashtu në aksion të shpejtë. Dua të inkurajoj RTK-në që të nis një emision të veçantë, pasi shumë njerëz e kanë shijuar dhe duhet t’ua tregojmë më mirë”, ka theksuar Kuka.
Ai thotë se është i kënaqur që tashmë kanë nisur projektet për xhudon.
“Mendoj që është koha që kanë nisur projektet e rëndësishme. Për xhudon ka nisur një projekt i frytshëm, por shpresoj që frytet t’i shohim shumë shpejtë. Në anën tjetër është projekti tjetër që jam edhe unë, arsyeja është t’i ndihmoj Federatat e sidomos trajnerët që t’i ndihmojë me eksperiencën time. Por po kemi pak probleme me trajnerët se egoja po i bënë të mendojnë se dinë shumë”.
“Për herë të parë vëlla e motër ishin në të njëjtën kohë? Për mua ka qenë pak e dhimbshme sepse s’mund t’i ulëm Norës në luftën ndoshta të saj të fundit në karrierë. E nisa me Akilin, e i thashë Majlindës që të qëndrojë pranë, e cila hezitoj sepse janë shoqe. Ne i ndajmë përgjegjësitë. Besova që Nora do të vazhdojë tutje, Akili do ta kishte më të vështirë sepse e kishte më problem. Shpresoj që Nora ta kuptoj situatën sidomos meqenëse është vëllai i tij. Akili i afru shumë medaljes, ai më ka përmbush me paraqitjet dhe Federata e Xhudos e ka vlerësuar si gjuajtës spektakular”.
Ai ka folur edhe për festën me Laura Fazliu pasi fitojë medaljen e bronztë.
“Festa me Laurën? Ishte kënaqësi dhe është mirë që ekziston sepse këto filmime në të ardhmen do ta shfaqin historinë e shtetit tonë. Isha jashtëzakonisht i emocionuar, të gjithë sportistët shkojnë te familjarët, te trajnerët. Laura si pa eksperiencë erdh te unë dhe pastaj e përfundoi atë ceremoni të festimit. Pak më ndryshe sepse isha në tribuna, zakonisht isha në karrige. Me Laurën është me rëndësi që ka ardhur nga një qytet tjetër, kjo më bënë jashtëzakonisht të lumtur. Kur kam kërkuar që ajo të vjen, ajo s’ka hezituar dhe ka ardhur menjëherë dhe tani pas 10 vjetëve u kurorëzua me medalje olimpike. Festimi në fund e ka bërë atë të vetën me pesë medalje olimpike”, ka përfunduar trajneri kampion, Driton Kuka.
