Qytetarët e Republikës së Kosovës në sondazhin për Ballkanin Perëndimor të Institutit Ndërkombëtar Republikan, kanë vlerësuar Forcën e Sigurisë së Kosovës si institucioni më i besueshëm në Kosovë.
Ministria e Mbrojtjes, përmes një postimi në Facebook, ka bërë të ditur se nga 86% e të anketuarve e kanë vlerësuar si institucion të besueshëm.
“Ky rezultat është pasqyrim i përkushtimit të pjesëtarëve të ushtrisë sonë, udhëhequr nga parimi i transparencës dhe llogaridhënies së plotë të Ministrisë së Mbrojtjes dhe Forcës së Sigurisë së Kosovës në përmbushjen e objektivave”, thuhet në postim.
Ministri i Mbrojtjes, Ejup Maqedonci, ka falënderuar qytetarët e Republikës së Kosovës për besimin e shprehur, si dhe pjesëtarët e FSK-së dhe shërbyesit civil të Ministrisë së Mbrojtjes, për kontributin e dhënë në këtë arritje kolektive.
“Besimi i popullit edhe më tutje do të shpërblehet me punë, përkushtim dhe shërbim me dinjitet ndaj vendit”, u shpreh Maqedonci. /Kosovatimes/
