Ka vdekur personi i cili mbeti i ngujuar në makinën që u përfshi nga flakët në aksidentin me kombibusin në Përçevë të Klinës.
Këtë e bëri të ditur zëdhënësi i Policisë Fadil Gashi.
Viktima është i moshës rreth 64-vjeçe.
Një aksident i rëndë trafiku ka ndodhur në Përçevë të Klinës, ku një veturë dhe një kombibus janë përfshirë nga flakët pas përplasjes.
Rastin e ka konfirmuar zëdhënësi i Policisë për Rajonin e Pejës, Fadil Gashi.
Sipas Gashit po dyshohet se një person ka mbetur brenda.
“Policia ka marrë njoftimin për aksidentin në orën 19:05. Në rastin e aksidentit, në momentin kur ka ndodhur, veturat i ka kapluar zjarri dhe po dyshohet se një person ka mbetur brenda. Nuk e dimë nëse është gjallë”, u shpreh Gashi.
Aktualisht, policia po pret informacione të reja nga vendi i ngjarjes për të konfirmuar situatën dhe për të mësuar më shumë rreth gjendjes së personit që dyshohet të ketë mbetur brenda automjetit të djegur.
