BDI ka reaguar ndaj pohimeve të kryeministrit Mickoski, duke theksuar se kjo parti është garant i paqes, stabilitetit, mirëqenies dhe të ardhmes europiane të vendit.
Partia e Ahmetit thekson se nuk dëshiron t’i komentojë spinet dhe bllofet politike, por të qartësojë se ka marrë mandat dhe përgjegjësi nga votuesit shqiptarë për të mbrojtur legjitimitetin, vullnetin politik dhe dinjitetin e votës dhe popullit shqiptar në Maqedoni të Veriut.
BDI thotë se do t’i ndërmarrë të gjitha masat dhe mjetet demokratike për të ndaluar siç thekson poshtërimin dhe majorizimin e shqiptarëve nga imponimi i vazalëve. Madje partia e Ahmetit fton sërish partitë politike për veting të të gjithë bartësve të funksioneve publike me asistencë ndërkombëtare si mënyra e vetme për ndalimin e siç thekson bllofeve, gjuetisë së shtrigave dhe keqpërdorimin e luftës kundër korrupsionit për qëllime politike. Megjithaë BDI ishte mbi 20 vite në pushtet dhe nuk arriti të bëjë vetingun e shumëpërfolur edhe përkundër ndihmës së madhe të bashkësisë ndërkombetare për reformimin e Gjyqësorit.
