Ambasada amerikane në Bosnje dhe Hercegovinë ka njoftuar sërish sot në llogarinë në rrjetin social X.
Në njoftim ata theksojnë se Shtetet e Bashkuara të Amerikës mbështesin fuqishëm pushtetin lokal në Bosnje dhe Hercegovinë.
“Kjo është arsyeja pse ne po investojmë 14.1 milion dollarë për të ndihmuar komunat në mbarë BiH të përmirësojnë cilësinë e shërbimeve që u ofrojnë banorëve të tyre dhe të gjenerojnë investime dhe vende pune duke përdorur fuqinë e diasporës së BiH. “Diaspora Invest” deri më tani ka realizuar 69 milion dollarë investime dhe hapi më shumë prej 2,800 vende pune në të gjithë Bosnje dhe Hercegovinën”, tha Ambasada.
Ata shtojnë se “të gjitha komunat në BiH kanë të drejtë të marrin pjesë në programet e tyre të investimeve dhe të qeverisjes vendore dhe aktualisht 30 komuna nga FBiH dhe 10 komuna nga RS po marrin pjesë në to.”
“Shumë komuna të qeverisura nga SNSD aplikuan dhe u zgjodhën për të marrë pjesë në këto programe, por Milorad Dodik u bëri presion që të tërhiqeshin, kështu që komunitetet e tyre tani po humbasin përfitimet—punë, infrastrukturë të përmirësuar, investime dhe më shumë— që sjellin këto programe.
Pse zoti Dodik është më shumë i shqetësuar për të pasuruar veten dhe familjen e tij se sa për të pasuruar komunitetet lokale dhe për të përmirësuar cilësinë e jetës në komuna?”, pyetën Ambasada Amerikane.
