Për shkak të temperaturave të larta që po mbizotërojnë në të gjithë vendin, Ministria e Shëndetësisë dhe Instituti Kombëtar i Shëndetësisë Publike kanë bërë thirrje qytetarëve që të ndjekin rekomandimet për të mbrojtur shëndetin e tyre dhe të afërmve të tyre.
Në përputhje me situatën meteorologjike, Ministria e Shëndetësisë ka njoftuar se, nëse do të jetë e nevojshme, do të ndërmarrë masa të mëtejshme për kufizimin e orarit të punës, me qëllim të minimizimit të ndikimit të temperaturave të larta dhe sigurimit të mirëqenies së qytetarëve. /Kosovatimes/
