Prevalla është përballur disa ditë me zjarre. Ato janë shuar sot, falë intervenimit të KFOR-it nga ajri. Vet KFOR-i ka njoftuar për këtë rast. Në një postim në Facebook, misioni i udhëhequr nga NATO thekson se ndihma është ofruar pas kërkesës së institucioneve të Kosovës.
“Sot personeli dhe helikopterët e Komandës Rajonale në Lindje të misionit KFOR të udhëhequr nga NATO ndihmuan në shuarjen e zjarreve në Prevallë të komunës së Prizrenit. KFOR-i ka ofruar ndihmë me kërkesë të institucioneve në Kosovë”, thuhet në njoftim.
KFOR-i rithekson se vazhdon të zbatojë mandatin e tij – bazuar në Rezolutën e Këshillit të Sigurimit të OKB-së, për të kontribuar në një mjedis të sigurt dhe të sigurt dhe lirinë e lëvizjes për të gjithë njerëzit që jetojnë në Kosovë, në çdo kohë dhe në mënyrë të paanshme.
KFOR-i vepron si reagues i tretë i sigurisë, në koordinim të ngushtë me Policinë e Kosovës dhe misionin e BE-së për Sundimin e Ligjit (EULEX), të cilët janë përkatësisht reaguesi i parë dhe i dytë i sigurisë. /Kosovatimes/
