Drejtoresha e Arsimit në Komunën e Prishtinës, Jehona Lushaku-Sadriu, ka thënë se Ministria e Arsimit, Shkencës, Teknologjisë dhe Inovacionit edhe këtë vit ka dështuar t’i sigurojë tekstet shkollore për nxënsit.
Ajo, në një konferencë për media tha se tha se Lidhja Demokratike e Kosovës është e shqetësuar që për të dytin vit me radhë Qeveria Kurti ka dështuar në subvencionimin e librave për nxënësit.
Lushaku-Sadriu ka thënë se ky vendim i MAShTI-it ka kosto më të lartë dhe nuk ka garanton që çmimet për blerje të librave me pakicë nuk do të rriten. Lushaku-Sadriu tha se kjo ministri është e paaftë për të siguruar librat. Ajo shtoi se është më tepër e rëndësishme se a i kanë nxënësit librat me 1 shtator se a i kanë prindërit subvencionimin e librave.
Sipas saj, në mungesë të informacionit prindërit kanë blerë libra të gabuara.
“Ky vendim është marrë në një kohë shumë të vonë, jemi vetëm dy javë para fillimit të shkollës. Garanton që prindërit nuk arrijnë që t’i blejnë të gjitha tekstet dhe nxënësit nuk mund të arrijnë mësimin me kohë. Mbi 50 për qind nuk kanë qenë të furnizuar me libra. Në Kosovë ka ende komuna të vogla që nuk kanë librari dhe çdo furnizim nëpër librari të tjera është një kosto edhe më e madhe. Nuk ka asnjë garanci që çmimi minimal i librave nuk do të ndryshojë”, ka thënë Lushaku-Sadriu.
Ajo, më tej, tha se vetëm vjet kanë shpenzuar 17 milionë euro për subvencionimi i librave.
“Sivjet po rritet edhe më shumë kostoja e teksteve shkollore. Kjo metodë është më e shtrenjtë dhe me dëme të jashtëzakonshme për prindërit dhe nxënësit”, theksoi Lushtaku-Sadriu. /Kosovatimes/
