Komisioni Qendror i Zgjedhjeve (KQZ) ka miratuar të enjten Rregulloren Zgjedhore për fushatën e zgjedhjeve, monitorimin dhe deklarimin financiar. Një ndryshim kryesor përfshin përditësimin e nenit 7, ku tani ndalohet vendosja e materialeve të fushatës në ndërtesa banimi pa pëlqimin e banorëve dhe pa kontraktim.
Rregullorja e re u miratua me tetë vota pro, ndërsa drejtori i Zyrës për Regjistrim, Certifikim dhe Kontroll Financiar të Subjekteve Politike, Besnik Buzhala, raportoi për auditimin e 54 subjekteve politike.
Ai theksoi se në vitin 2023, 11 subjekte kanë pranuar donacione me një total prej 154,105 euro, ndërsa 14 subjekte janë gjobitur për shkelje të ligjit.
Sami Hamiti nga Lidhja Demokratike e Kosovës kërkoi amendamentimin e ligjit për Financimin e Subjekteve Politike, duke theksuar nevojën për rishikim të mëtejshëm të ligjit ekzistues. /Kosovatimes/
