Kryetari i Komunës së Gjilanit, Alban Hyseni, ka prit ministren e Industrisë, Ndërmarrësisë dhe Tregtisë, Rozeta Hajdari.
Sipas njoftimit nga Komuna e Gjilanit, në takim është biseduar lidhur me bashkëpunimin në mes të nivelit lokal dhe atij qendror.
Po ashtu është diskutuar edhe identifikimi i mundësive për mbështetjen dhe krijimin e infrastrukturës së përshtatshme fizike, për zhvillimin e ndërmarrjeve fillestare, mikro, të vogla dhe të mesme në Komunën e Gjilanit.
Kryetari i Gjilanit, Alban Hyseni, prezantoi planet komunale dhe arritjet në komunë dhe mirëpriti njoftimet lidhur me objektivat dhe progresin e arritur nga MINT, në krijimin e parqeve industriale e teknologjike, në komunat e ndryshme në Kosovë.
“Ministrja e Industrisë, Ndërmarrësisë dhe Tregtisë, tregoi se janë pajtuar për vazhdimin e bashkëpunimit të afërt për shfrytëzimin e mundësive të reja, për mbështetjen ndaj të rinjve ndërmarrës dhe bizneseve vendore, nga diaspora dhe të huaja, me kontribut në zhvillim të përgjithshëm socio-ekonomik në Komunën e Gjilanit dhe më gjerë”, vijon njoftimi.
Më pas kryetari Hyseni, bashkë me ministren Hajdari vizituan edhe bizneset në këtë komunë. /Kosovatimes/
