Përplasja e turmës u zhvillua mbrëmjen e së premtes në një bar plazhi në Hanioti, Halkidiki, një resort i famshëm grek. Tre persona kanë mbetur të plagosur dhe njëri prej tyre ndodhet në spital në gjendje të rëndë.
Gjithçka nisi kur një grup bullgarësh plagosën pronarin e objektit dhe një shtetas tjetër bullgar, duke e goditur me grushte dhe shkelma në fytyrë dhe trup, raporton portali grek Protothema .
Me të mbërritur në vendngjarje, policia është njoftuar se autorët e kësaj përplasjeje kanë pasur thika dhe shkopinj dhe kanë pritur për përforcime.
Ndërkohë vetëm pas pak minutash nga lokali janë dëgjuar të shtëna, pas të cilave policia ka identifikuar dhe arrestuar pesë shtetas bullgarë, të cilët sipas një informacioni kanë sulmuar pronarin.
Policia po mbledh deklarata nga dëshmitarët okularë për të përcaktuar rrethanat në të cilat ka ndodhur ngjarja, por sipas mediave vendase nuk përjashtohet mundësia që të jenë përfshirë persona të mafias bullgare.
Një person është qëlluar me plumb në gjoks
Dy persona kanë marrë plagë me armë zjarri, njëri në kraharor dhe tjetri në krah dhe janë dërguar në spital.
Në qendrën shëndetësore është dërguar edhe pronari i lokalit.
“Rreth 24 orë më parë u njoftova për një incident të rëndë me të shtëna me armë zjarri dhe disa persona të përfshirë në një sulm në një lokal plazhi… Pikërisht në dy minuta mbërrita në vendngjarje si reagues i parë me të gjitha pajisjet e mia dhe u fokusova menjëherë në fatkeqin qe mori plumb ne sternum… kerkova instruksione konkrete per tu perballur me ngjarjen sepse ishte hera e pare qe me thirrnin te merrja nje plage nga plumbi… Ne te njejten kohe kerkova dy autoambulanca. meqenëse ka pasur edhe dy të plagosur dhe veçanërisht një nga të sulmuarit me goditje të shumta që ka marrë në kokë në kombinim me sprej piper, shenjat e tij jetësore kanë qenë tensioni 200 me puls 135 dhe 165”, ka përshkruar një nga punonjësit e mjekësisë.
“Ka filluar paniku”
Duke qenë se në momentin e përplasjes ka pasur një mbrëmje me muzikë live në lokalin e plazhit, ka pasur edhe shumë njerëz që kanë qenë të pranishëm në këtë event.
Ata janë larguar nga vendi i ngjarjes kur kanë dëgjuar të shtënat.
“Kishte të qara, ulërima dhe bërtitje.” Njerëzit filluan të iknin. Të gjithë po dilnin jashtë. Ata kanë nxjerrë thikat dhe kanë qëlluar. Fëmijët e vegjël vrapuan me prindërit e tyre. Kishte panik”, tha për mediat greke një grua që mori pjesë në ngjarje.
Në zonë u gjetën katër granata.
