Sipas informacioneve të pakonfirmuara, ai është vrarë gjatë tentativës për ta arrestuar, por ende nuk dihet se në cilin lokacion në Novi Pazar.
SR kishte qenë në arrati që nga fundi i qershorit, pasi një pjesëtar i lëvizjes vehabiste plagosi një pjesëtar të Xhandarmërisë me një hark përpara ambasadës izraelite në Beograd.
Ai më parë ishte dënuar me 13 vjet e 6 muaj burg për një konflikt të armatosur me policinë në lagjen Tërnava të Novi Pazarit.
Pas vuajtjes së dënimit, ai ka qenë aktiv në rrjetet sociale, ndërsa për disa media ka folur për qëndrimin e tij në burg.
Sipas informacioneve jozyrtare, pas lirimit nga burgu ai njihej si lideri vehabist në Sanxhak.
Teksa mediat i publikuan mbrëmë gjetjet e tyre jozyrtare, BIA e gjeti atë në terren të vështirë të aksesueshëm në atarin e fshatit Hotkovë. Për arrestimin e tij u angazhuan efektivë të forcave speciale, por ai nuk pranoi të dorëzohej dhe qëlloi me armë zjarri ndaj efektivëve të policisë, të cilët iu kundërpërgjigjën dhe e eliminuan.
