Presidentja e Kosovës, Vjosa Osmani, ka reaguar lidhur me vrasjen e Sadri Sadriut, axhës së bashkëshortit të saj, Prindon Sadriut, e cila ndodhi javën e kaluar në Ferizaj.
Pas ngjarjes, u raportua se presidentja kishte njohuri për akuzat që rëndonin mbi viktimën, një 89-vjeçar i dyshuar për dhunim të dy vajzave të mitura.
Presidentja Osmani e mohoi kategorikisht se ka qenë në dijeni për këto akuza dhe kërkoi nga organet e drejtësisë që të kryejnë hetimet e tyre në mënyrë të pavarur.
Në një intervistë për Radio Evropa e Lirë, Osmani theksoi se as ajo, as institucionet e Presidencës nuk kanë pasur asnjë njohuri apo involvim në çështjen në fjalë.
Ajo kërkoi që hetuesia dhe drejtësia të punojnë pa ndërhyrje.
Ndërkohë, dy persona janë arrestuar në lidhje me vrasjen, njëri si doras dhe tjetri për ndihmë në kryerjen e veprës.
Të dyshuarit kanë refuzuar të flasin gjatë seancës dëgjimore, ndërsa Prokuroria dyshon se vrasja u krye për “motive të ulëta.”
