Një akt i përgjegjësisë qytetare është shënuar sot në qytetin e Pejës, ku një qytetare e ka dorëzuar një kuletë të gjetur në rrugën “Zahir Pajaziti” në Stacionin Policor të Pejës.
Sipas njoftimit të policisë, qytetarja F. H., pasi gjeti kuletën që përmbante një shumë të konsiderueshme të hollash dhe dokumente personale, vendosi ta dorëzojë atë në polici. Në kuletë ndodheshin: 280 euro, 500 franga zvicerane dhe dokumente personale.
Policia e Kosovës ka arritur të identifikojë dhe kontaktojë pronarin e kuletës, të cilit i janë kthyer gjërat e lartcekura. Policia e ka falënderuar qytetaren për veprimin e saj të ndershëm dhe për nivelin e lartë të përgjegjësisë qytetare. /Kosovatimes/
