Robert F. Kennedy i Riu dhe kandidati republikan Donald Trump pritet që të zhvillojnë sot dy takime elektorale të veçanta në shtetin e Arizonës, mes spekulimeve të shtuara që zoti Kennedy mund të tërhiqet nga gara si kandidat i pavarur për president dhe të mbështesë kandidatin republikan.
Zoti Kennedy do të mbajë një fjalim të premten pasdite në Feniks mbi të ardhmen e fushatës së tij. Disa orë më pas, zoti Trump do të mbajë një tubim zgjedhor, në qytetin tjetër Glendale. Ai ka paralajmëroi pjesëmarrjen e një “të ftuari të veçantë” në këtë tubim.
Kohët e fundit, të dy kandidatët kanë shtuar lëvdatat për njëri tjetrin, ndërsa këshilltarë respektivë kanë zhvilluar biseda private. Zoti Kennedy nuk i ka treguar qëllimet e fjalimit të tij, por ai mbahet në një kohë kur fushata e tij po përballet me sfida të shumta dhe rënie të mbështetjes, sipas anketave.
