Gazetari, Adriatik Kelmendi, ka deklaruar se Kosova nuk duhet të jetë në të njëjtën trajektore me Serbinë dhe Bosnjën në politikën e sigurisë, pasi Prishtina ndryshon thelbësisht nga Beogradi dhe Sarajeva.
“Kosova është shteti më proamerikan dhe properëndimor në Evropë, ndërsa Serbia dhe Republika Serbe janë territoret më proruse dhe antiamerikane”, ka shkruar ai.
Kelmendi vuri në dukje se vizita e drejtorit të CIA-s, William Burns, në Sarajevë, Beograd dhe Prishtinë ka pasur për qëllim rritjen e koordinimit të këtyre shteteve me ShBA-në, përballë rrezikut rus.
Ai theksoi se institucionet e Kosovës duhet të punojnë ngushtë me ShBA-në për të përmbushur ambiciet e tyre politike dhe të sigurisë, duke shmangur kurthet e qëllimkëqija të Serbisë dhe Republikës Serbe. /Kosovatimes/
