Shkruan: Gjon KEKA
Simbolikat apo gjestikulimet e vizitës së shefit të CIA në Kosovë tregojnë se Kosova dhe ShBA nuk i kanë raportet sikur i kanë pasur në kohën e presidentit vizionar dhe historik dr. Ibrahim Rugova.
Përshëndetja e shefit të CIA-s me kryeministrin e Kosovës Albin Kurti, gjatë shtrëngimit të duarve shihet me njërën dorë në xhep të majtë e tjetrën duke i dhënë dorën atij, simbolikisht do të thotë se ai ka ardhur më porosi të qarta për kryeministrin dhe udhëheqësit vendor, por edhe me kutinë e pasojave dhe ndëshkimeve të pallogaritshme.
Po t’i kishte të dy duart shtrënguar fortë me kryeministrin kjo do të ishte një përshëndetje miqësore dhe me një sërë vlerësimesh pozitive.
Po ashtu simbolikisht tregon për nivelin e ulët të raporteve, mosvlerësim dhe mosrespekt ndaj kryeministrit të Kosovës, si dhe mungesë e raporteve të miqësisë.
I vetmi presidenti i urtë dhe vizionar dr. Ibrahim Rugova kishte krijuar raporte të thella miqësie dhe një aleancë të fortë më ShBA. Një lidhje e tillë e këtyre raporteve ka ekzistuar deri vonë, por për shkak të mos punës së përbashkët, moskoordinimit, mosvlerësimit të këtyre raporteve nga kryeministri i tanishëm të Kosovës, raportet janë ftohur. Tani Kosova gjendet në këtë pozitë ku në vend se Kosova bashkë me ShBA dhe vendet mike të punojnë së bashku ngushtë ashtu që siguria, liria, paqja dhe stabilitet në vend të ruhen dhe Kosova si shtet të forcohet bashkërisht më miqtë dhe aleatet ë saj. Po ashtu Kosova vetëm me anë të mbështetjes së ShBA dhe miqve tjerë europian mund të integrohet në BE, dhe të anëtarësohet në organizatat ndërkombëtare si Këshilli i Evropës dhe në NATO.
