Një vajzë tetëvjeçare nga Gjermania u mbyt teksa po notonte në detin Adriatik pranë resortit Bibione, në lindje të Venecias.
Malena ka qenë me pushime me familjen e saj kur mesa duket ka pasur një problem teksa notonte dhe është mbytur.
Notarët e tjerë, të cilët ndodheshin pranë tetëvjeçares, shumë shpejt vunë re se trupi i saj po notonte mbi ujë dhe se fëmija nuk lëvizte.
Menjëherë kanë ngritur alarmin dhe për këtë kanë dalë në vendngjarje karabinierët.
Ekipet e shpëtimit tërhoqën zvarrë trupin e vajzës në plazh dhe filluan reanimimin.
Një helikopter ka fluturuar në vendin e ngjarjes, por pas një ore reanimacion, vajza është deklaruar e vdekur, shkruan Bild, transmeton Telegrafi .
Sipas autoriteteve italiane, vajza ka qenë me pushime me prindërit e saj dhe ka shkuar në cekët për të luajtur.
Megjithatë, askush nuk e di se si është mbytur fëmija që di të notojë. Dyshohet se ajo kishte probleme shëndetësore.
Aktualisht karabinierët po hetojnë vdekjen e vajzës.
Kujtojmë se një aksident tragjik ka ndodhur të dielën në Majorka kur një djalë gjashtë vjeçar është mbytur në një pishinë hoteli.
