Frank Kopa, amerikani me origjinë nga Siçilia, gangster dhe anëtari i parë i familjes së famshme mafioze Bonano, ka vdekur në moshën 82-vjeçare.
Frank Kopa ishte një bashkëpunëtor i Joseph Messina dhe Frank Lin dhe ai fitoi shuma të mëdha parash.
Ai lindi në vitin 1941 në Nju Xhersi dhe pasi mbaroi shkollën e mesme hyri në fakultet, ku nuk qëndroi gjatë.
Ai jetoi në New Jersey dhe Staten Island, por i kreu aktivitetet e tij kriminale në Broadway dhe në Brooklyn. Ai jepte apartamente me qira dhe në fillim të karrierës së tij gangstere kishte të ardhura të vogla nga shitja e drogës.
Megjithatë, Kopa shpejt fitoi pronësinë e shumë pronave, duke përfshirë garazhet, makinat shitëse të lëngjeve, telefonat me pagesë dhe një zinxhir restorantesh. Nëpërmjet gruas dhe djemve, ai zotëronte edhe një kompani autobusësh shkollorë, të cilën e quante “Tre Vëllezërit”.
Kur ishte 19 vjeç, ai u arrestua për tentativë për të grabitur një dyqan veshjesh, por nuk kaloi shumë pas hekurave. Ai e filloi karrierën e tij të rëndë kriminale duke shitur ora dhe peliçe të vjedhura, të cilat e kanë origjinën nga rrëmbimi i kamionëve të transportit.
