Komuna e Kaçanikut njofton se në kuadër të përgatitjeve për zgjedhjet e 9 shkurtit për Kuvendin e Kosovës, është nënshkruar marrëveshja e cila ofron mbështetjen e administratës komunale të Kaçanikut për Komisionin Qendror të Zgjedhjeve në shumë dimensione.
Kryetari i Komunës, Besim Ilazi, ka theksuar rëndësinë e një procesi zgjedhor të drejtë e demokratik duke u zotuar që mbështetja e administratës komunale në arritjen e kësaj nuk do të mungon.
Nga ana e KQZ-së, Artan Mezraja, falënderoi komunën për përkrahjen e deritanishme, duke theksuar se përkushtimi dhe angazhimi maksimal i të gjithë akterëve mundëson një proces zgjedhor të lirë e demokratik. /Kosovatimes/
