Kryeshefi i “Termokos”, Fisnik Osmani, ka njoftuar se, ngrohtorja ‘Termokos’ ka dhuruar 300 metra rrethoja për fushën e ‘KF Rilindja’, ku stërviten rreth 400 të rinj që ëndërrojnë të bëhen futbollistë.
Ai ka thënë se, këto rrethoja ishin në përdorim të ndërmarrjes deri tani dhe ky donacion synon përmirësimin e ndjeshëm të sigurisë dhe cilësisë së fushës.
“Ky veprim kontribuon në krijimin e një ambienti më të sigurt dhe të përshtatshëm për zhvillimin e talentit të tyre, duke i dhënë një kuptim të ri konceptit të Prishtinës së gjelbër”, ka shkruar Osmani. /Kosovatimes/
