Një person dyshohet se ka kryer vetëvrasje sot në Viti. Rastin për RTKlive e ka konfirmuar zëdhënësi i Policisë së Kosovës për rajonin e Gjilanit, Valon Osmani.
Ai ka thënë se i ndjeri është i moshës 59-vjeçare.
“Me datën 28.08.2024 rreth orës 09:50, Stacioni Policor në Viti ka pranuar informacion se në qytetin e Vitisë një person ishte i lënduar dhe i njëjti me urgjencë është transportuar për në Qendrën Emergjente të Spitalit Rajonal në Gjilan. Personi i lënduar, mashkull kosovar i vitit të lindjes 1965, edhe përkundër ndihmës së ofruar nga stafi mjekësor nga mjeku konstatuar është konstatuar se ka vdekur”, ka thënë Osmani.
Në vendin e ngjarjes kanë dalë të gjitha njësitet relevante dhe nga hetimet e para dyshohet se viktima të ketë kryer vetëvrasje ku në vend të ngjarjes si dëshmi është gjetur dhe konfiskuar një armë zjarri.
“Me urdhër të Prokurorit të Shtetit trupi i pajetë i viktimës është dërguar për obduksion në Institutin e Mjekësisë Ligjore në Prishtinë. Njësiti i hetimeve rajonale në Gjilan po punon në mënyrë intensive në ndriçimin dhe sqarimin e të gjitha rrethanave dhe motivit të këtij rasti”, ka theksuar tutje zëdhënësi i Policisë.
