Fondi i Kosovës për Efiçiencë të Energjisë (FKEE) ka njoftuar mbylljen e aplikimit për thirrjen e dytë publike “Zbatimi i Masave të Efiçiencës së Energjisë për Shtëpitë Individuale të Banimit”, pasi janë pranuar 1333 aplikime me vlerë prej 4,998,871.79€, që përmbushin buxhetin e destinuar për subvencionimin e masave si izolimi i mureve dhe kulmit, dhe ndërrimi i dyerve e dritareve të jashtme.
“Subvencionet do të mbulojnë deri në 45% të shumës, me një shtesë prej 5% për shtëpitë që janë pronë e gruas ose bashkëpronësi e çiftit, duke mos kaluar kufirin maksimal prej 5500 euro.
Aplikimet do të shqyrtohen sipas radhës së arritjes, dhe shpërndarja e letrave të para-aprovimit do të fillojë së shpejti.
Pas marrjes së para-aprovimit nga FKEE, përfituesit duhet të ndjekin rregullat e thirrjes publike dhe të përfundojnë punimet brenda 31 dhjetorit 2024”, thuhet në njoftim.
Ky projekt mbështetet nga Bashkimi Evropian në kuadër të programit IPA dhe është aranzhuar nga Qeveria e Kosovës. /Kosovatimes/
