Ministri i Punëve të Brendshme, Xhelal Sveçla i ka bërë thirrje mërgatës që të regjistrohet për votim.
“Për herë të parë në zgjedhjet e 9 shkurtit 2025, mërgata jonë do të votojë në ambasadat dhe misionet e Republikës së Kosovës anekënd botës”, ka shkruar Sveçla në Facebook.
Ai i ka ftuar bashkatdhetarët që për ta shfrytëzuar të drejtën e votimit, të kryejnë regjistrimin për votim, teksa e ka shpërndarë edhe linkun e regjistrimit.
