Në orët e mbrëmjes në kryeqytet janë dëgjuar disa të shtëna me armë. Ngjarja raportohet se ka ndodhur në rrugë “Gazmend Zajmi” në lagjen “Aktash”.
Siç raportohet, dyshohet se si pasojë e të shtënave një person ka vdekur dhe pesë të tjerë janë plagosur, por kjo nuk është konfirmuar ende zyrtarisht.
Gjendja e pesë të plagosurve, është e rëndë.
Në këtë përplasje fatale, thuhet të jenë përfshirë grupet Sekiraqet dhe Capat, akt ky që ka rezultuar si pasojë e telasheve që kishin edhe më herët.
Në vendin e ngjarjes kanë arritur njësi të Policisë së Kosovës dhe të shërbimit të emergjencës.
