Deputetja e LDK-së, Hykmete Bajrami, kritikoi qeverinë për mungesë reformash fiskale dhe për varësinë e madhe nga inflacioni sa i përket rritjes së Investimeve të Huaja Direkte (IHD).
Bajrami vuri në dukje se shumica e këtyre investimeve kanë shkuar në sektorin e patundshmërive, kryesisht për blerje të banesave nga diaspora, dhe se qeveria nuk ka ndërmarrë asnjë hap për të ndryshuar këtë prirje.
Ajo gjithashtu akuzoi qeverinë për keqpërdorim të tenderëve të negociuar dhe për lejimin e emërimeve të paligjshme në pozita kyçe si në Administratën Tatimore të Kosovës.
Sipas Bajramit, inflacioni ka arritur nivele të larta gjatë mandatit të kryeministrit Kurti, por këto nuk janë shoqëruar me reforma të vërteta ekonomike që të mbështesin investimet e qëndrueshme dhe rritjen ekonomike. /Kosovatimes/
