Sot shënohen 4 vite nga nënshkrimi i Marrëveshjes së Uashingtonit, dokument i nënshkruar nga ish-kryeministri i Kosovës, Avdullah Hoti, në Shtëpinë e Bardhë.
Hoti ka vlerësuar se Marrëveshja ka një rëndësi të jashtëzakonshme për Kosovën dhe shprehet se moszbatimi i saj i ka shkaktuar vendit humbje të mëdha në fuqizimin ekonomik dhe besueshmërinë ndërkombëtare.
Ai kritikoi qeverinë aktuale dhe kryeministrin Albin Kurti për refuzimin e zbatimit të marrëveshjes duke thënë se kjo ka cenuar raportet me ShBA-në dhe ka bllokuar investimet e mëdha në vend.
Hoti pret që qeveria e ardhshme të adresojë këtë çështje dhe të punojë për zbatimin e marrëveshjes, për të cilën administrata amerikane kishte shprehur gatishmëri.
