Aksidenti autobusit dhe kamionit në Carralevë, kompania: Të gjitha pensionistet janë mirë
Pas aksidentit që ka ndodhur sot rreth orës 07:11 mes një autobusi dhe një kamioni në rrugën Carralevë-Duhël, ka reaguar kompania në pronësi të së cilës është autobusi duke se të gjitha pensionistet janë mirë dhe nuk kanë lëndime serioze.
“Njoftohen të gjithë familjarët e pensionisteve të Kaçanikut, të cilat kanë qenë duke udhëtuar nga Kaçaniku në drejtim të bregdetit shqiptar dhe gjatë rrugës kanë pasur një aksident mirëpo falë Zotit të gjithë pasagjerët janë mirë dhe nuk kanë lëndime serioze, ndërsa pasagjerët janë transportuar me autobusin tjetër dhe janë rrugës për në bregdetin shqiptar…”, thuhet në njoftim.
Tre të lënduar në një aksident mes autobusit dhe kamionit në rrugën Carralevë-Duhël
Tre persona janë lënduar në një aksident trafiku që ka nodhur mes një autobusi dhe një kamioni në rrugën Carralevë-Duhël sot rreth orës 7:00 të mëngjesit.
Zëdhënësi i policisë për rajonin e Prizrenit, Shaqir Bytyqi tha për portalin rtv21.tv se të lënduar janë dërguar për trajtim në emergjencë.
“Në aksident janë të përfshirë një autobus dhe një kamion. Si pasoj e aksidentit së paku tre persona kanë pësuar lëndime të lehta trupor dhe janë transportuar për në emergjencë në QKMF në Suharekë. Policia ka dal vendngjarje dhe është duke u marr me rastin. Pasi që autobusi është rrotulluar në krahë kanë intervenuar edhe zjarrëfiksit për ti nxjerr pasagjerët.”, tha ai.
