Ministrja e Arsimit, Albërie Nagavci, duke iu përgjigjur deputetëve nga radhët e komuniteteve, Kervan dhe Duda Balje, lidhur me tekstet për nxënësit të komuniteteve jo-shumicë, tha se është përcjellë gjendja e furnizimit me tekste me kujdes, si dhe për çmimet e teksteve.
Sipas saj, për herë të parë në Qeverinë Kurti kemi tekstet për fëmijët e komuniteteve në gjuhën e tyre, por që duhet të ketë kujdes që të mos diskriminohen edhe për çmimet e teksteve.
“Për këtë arsye, në bashkëpunim edhe me MINT-in, me inspektorët dhe me Autoritetin Mbikëqyrës kemi pasur vizita në librari dhe kemi identifikuar shkeljet dhe në disa raste janë shqiptuar dënimet ndaj disa shtëpive botuese, që nuk kanë respektuar legjislacionin në fuqi”, deklaroi Nagavci.
Ajo më tej shtoi se zyrtarë përgjegjës për komunitete nga MASHTI kam kontaktuar me shtëpi botuese dhe bëri të ditur se nuk ka arsye që çmimi i teksteve të jetë aq i lartë.
