Ministri i Mbrojtjes, Ejup Maqedonci, ka ftuar vajzat e gratë t’i bashkohen Forcës së Sigurisë së Kosovës.
Në Facebook, mikistri Maqedonci ka shkruar se FSK-ja është forcë multietnike, përtej dallimeve gjinore e kulturore.
“Forca e Sigurisë së Kosovës është forcë multietnike, me element përbashkues vullnetin për t’i shërbyer atdheut, përtej dallimeve gjinore e kulturore është forcë për të qëndruar gjithmonë stoik në mbrojtje të sovranitetit territorial e të jetës së qytetarëve. Ne besojmë thellësisht se si burrat, edhe vajzat e gratë e duan atdheun dhe janë në gjendje të luftojnë e vdesin për të, siç e kanë dëshmuar fuqishëm në të gjitha periudhat e historisë sonë të lavdishme. Andaj, ftoj të rejat që të aplikojnë për tu bërë ushtare të FSK-së, si forma më fisnike për t’i shërbyer Kosovës”, ka shkruar Maqedonci në Facebook.
