Një burrë (47) nga Serbia, i cili është turist në Kretë, ka krijuar kaos në harkun kohor prej 10 ditësh në këtë ishull grek. Fillimisht më 3 shtator në gjendje të dehur ka përplasur një të moshuar (85) në qytetin e Sitisë, i cili më pas ka ndërruar jetë në spital dhe më pas dje ka hipur sërish në timon dhe ka plagosur dy femra.
Pas aksidentit të parë trafiku, burrit i është hequr patenta, por ai ka hipur sërish në timon në gjendje të dehur dhe ka shkaktuar një incident në qytetin e Malisë, pranë një lokaliteti arkeologjik.
Siç raportojnë mediat greke, një burrë ka plagosur dje dy gra nga Çekia, 50 dhe 25 vjeç. Fatmirësisht ata mbetën të plagosur lehtë.
Policia është duke hetuar sesi serbi ka arritur të marrë me qira një veturë edhe pse i është hequr patentë shoferi në qytet, shkruan Neakriti
