Policia e Kosovës ka njoftuar për arrestimin e një të dyshuari për veprën penale “detyrim” në Gjakovë.
“Personi i arrestuar dyshohet se përmes formave të ndryshme të kanosjes, në vazhdimësi ka tentuar që ta detyrojë viktimën që të veprojë kundër pasurisë së tij dhe përveç kësaj i njëjti po ashtu ka kryer veprime të bllokimit me forcë të biznesit dhe pronës së viktimës”, thuhet në njoftimin e PK-së.
Bëhet e ditur se policia ka kryer kontroll në vendbanimin e personit, ku ka sekuestruar 2 armë dhe dëshmi tjera të rëndësishme përmes të cilave provohet ekzistimi i dyshimit për kryerjen e veprës penale të detyrimit.
Lidhur me rastin i dyshuari pas intervistimit me aktvendim të prokurorit kompetent është ndaluar për 48 orë.
