Thellohet bashkëpunimi ndërmjet Shërbimit Korrektues të Kosovës dhe Ambasadës Britanike, shkëmbimin e përvojave dhe praktikave më të mira në fushën e korrektimit dhe risocializimit të të burgosurve.
Për këtë janë dakorduar në një takim Drejtori i Përgjithshëm i Shërbimit Korrektues të Kosovës, Ismail Dibrani dhe Shefja e Sundimit të Ligjit dhe Sektorit të Sigurisë pranë Ambasadës së Britanisë së Madhe në Prishtinë, Margaret Belof
Në takim ata diskutuan edhe për sfidat dhe bashkëpunimin në fushën e korrektimit dhe të sigurisë në vend, njofton Shërbimi Korrektues i Kosovës.
Sipas njoftimit gjatë takimit u trajtua edhe nevoja për avancimin e kapaciteteve të SHKK-së dhe roli i ambasadës në mbështetjen e këtyre përpjekjeve. Takimi përfaqësoi një hap të rëndësishëm drejt thellimit të bashkëpunimit ndërmjet Shërbimit Korrektues të Kosovës dhe Ambasadës Britanike.
