Filmi i gjatë artistik “Pikë Uji” me regji nga Robert Budima, producente Sabina Kodra, dhe bashkëproducent Luan Kryeziun, do të jetë propozimi i Shqipërisë për edicionin e 97të të Çmimeve të Akademisë së Oscars.
Në rolin kryesor: Gresa Pallaska; në rolet dytësore nga Kosova: Astrit Kabashi dhe Arben Bajraktaraj.
Filmi është realizuar me mbështetjen e Qendrës Kombëtare të Kinematografisë – Shqipëri, Qendrës Kinematografike të Kosovës, MIBACT Itali, Agjencisë së Filmit në Maqedoninë e Veriut, Evropës Kreative dhe SEE – Rrjetit të Kinemave të Evropës Juglindore.
Ftohen të gjithë mediat dhe gazetarët në konferencë në zyrat e Qendrës Kinematografike të Kosovës me datë 20 shtator (e premte), 2024, ora 11:00, për t’u njoftuar me detajet shtesë rreth këtij lajmi.
Në konferencë prezent do të jenë përfaqësues nga ekipi realizues nga Kosova. /Kosovatimes/
