Ish-kryetari i Këshillit Kombëtar Shqiptar, Rami Mustafi, është dënuar për herë të pestë për ngritjen e flamurit kombëtar shqiptar, një veprim që ai e cilëson si përndjekje të hapur politike dhe presion për frikësimin e shqiptarëve në Luginën e Preshevës.
Mustafi, i cili nuk mban më funksionin e kryetarit të Këshillit, theksoi në gjykatën e Vladiçki Han-it se do të vepronte njëjtë edhe nëse do të gjendej sërish në të njëjtën situatë.
Ai kritikoi ashpër këtë ndjekje ndaj simbolit kombëtar, duke e quajtur një sulm ndaj lirisë së shprehjes dhe të drejtave të shqiptarëve për të mbrojtur identitetin e tyre. /Kosovatimes/
