Dhjetëra vullnetarë iu bashkuan aksionit për pastrimin e brigjeve të liqenit të Badocit, duke shënuar kështu Ditën Botërore të Pastrimit.
Ky aksion, i cili është pjesë e kalendarit mjedisor të Kombeve të Bashkuara, ka për qëllim që t’i mobilizojë njerëzit anembanë botës për të pastruar mjediset e tyre dhe për të rritur ndërgjegjësimin për rëndësinë e një mjedisi të pastër dhe të shëndetshëm. /rel/
Një vullnetar duke pastruar brigjet e liqenit të Badocit gjatë një aksioni të organizuar për Ditën Botërore të Pastrimit, më 20 shtator 2024.
Ky rezervuar me ujë gjendet rreth 18 kilometra larg Prishtinës, dhe zë një hapësirë prej rreth tri kilometrash.
Të premten dhjetëra vullnetarë u angazhuan që të pastrojnë hapësira përreth liqenit, i cili furnizon me ujë të pijshëm kryeqytetin e Kosovës, Prishtinën.
Kosova iu bashkua miliona vullnetarëve nga 198 shtete dhe territore të botës për të marrë pjesë në Ditën Botërore të Pastrimit. Ky aksion, i cili është pjesë e kalendarit mjedisor të Kombeve të Bashkuara, ka për qëllim të mobilizojë njerëzit anembanë botës për të pastruar mjediset e tyre dhe për të rritur ndërgjegjësimin për rëndësinë e një mjedisi të pastër dhe të shëndetshëm.
Ky liqen artificial ishte ndërtuar në vitet ’60, për të plotësuar nevojat e banorëve të Prishtinës dhe rrethinës.
Sikurse lumenjtë, edhe liqenet në Kosovë përballen me ndotje, sidomos nga hedhja e mbeturinave.
Natyra e bukur përreth liqenit e bën atë tërheqës edhe për vizitorë që shpesh janë shkaktarët kryesor të ndotjes.
Vullnetarët duke pastruar gjatë aksionit të së premtes brigjeve të liqenit.
Ndër mbeturinat e shumta kishte edhe shishe birre…
Një hapësirë e pastruar e brigjeve të liqenit të Badocit.
