Qendra Kulturore Boshnjake (BKC) në Zhivinice ishte sonte qendra e rinisë, bukurisë, modës dhe magjepsjes boshnjake, me rastin e konkursit tradicional për Miss Federata e Bosnjës dhe Hercegovinës.
Një grup prej 27 vajzash konkurruan për titullin e Miss Federatës së Bosnjë-Hercegovinës dhe për t’u vendosur në finalen e madhe kombëtare të konkursit të 27-të të Miss Bosnja dhe Hercegovina për Miss Bota. Nga numri i përgjithshëm i tyre, 15 kaluan në finalen shtetërore
Sipas vendimit të jurisë së ekspertëve, titulli Miss FBiH i takoi Ena Adroviq nga Zhivinice, ndërsa shiriti i Miss Televoting shkoi për Nejra Kovaçeviq nga Tuzla.
Adla Korjenić nga Sarajeva u shpall Miss FBiH Internet, ndërsa Meliha Tursunović nga Živinice u nderua me titullin “ABC Models Search”.
Drejtoria e Konkursit të Miss Bosnjë dhe Hercegovina është duke punuar dhe promovuar temën “Rinia dhe Ndërmarrësia” me kandidatët e këtij viti. Qëllimi është ndërgjegjësimi për atmosferën e sipërmarrjes dhe zhvillimi i tendencave pozitive tek të rinjtë për të forcuar pasionin e tyre, për të bërë atë që duan dhe që pasioni të jetë forca e tyre lëvizëse dhe t’i mbajë të motivuar për të kapërcyer të gjitha sfidat në fillimin e bizneseve të tyre.
