“Krerët e partive politike kanë pasur vija të kuqe brenda partive të tyre për individ të ndershëm me vlera të dobishme për Kosovën. Krerët e partive politike kurrë nuk kanë pasur vija të kuqe për individët e pandershëm, individët e pamoralshëm që nga qytetarët njihen si llaskucë. Individët llaskuc janë ngritur lart e më lart. Dhe këto praktika janë zbatuar nga të gjitha partitë politike njëjtë e pa përjashtim. Edhe tani, me krerë tjerë të partive politike nga ata/ato që ishin më përpara, zbatohen praktika të njëjta. Krejt tjerat janë mashtrim, “fjalë në hava” thuhet nga disa”, shtoi Meha për “Kosova Times”.
Analisti politik Xhevat Meha, e konsideron mashtrim ekstravagant deklarimin e kreut të PDK-së Memli Krasniqi, sipas të cilit, kinse PDK nuk do të ketë vija të kuqe bashkëpunimi për koalicion pas zgjedhor, më asnjë subjekt politik rival në zgjedhje, përveç rezervave që ka ndaj LVV-së.
Për më tepër analisti Meha thotë se ato vija të kuqe ekzistojnë jo vetëm në rivalitetin politik por akoma më keq, edhe kundër kandidatëve me cv profesionale që janë të dobishëm për shoqërinë, pasi që partitë politike në Kosovë janë shndërruar në grupe interesi, e ku kanë arritur të depërtojnë edhe segmente të rrezikshme të strukturave të fshehta të UDB-s dhe BIA-s serbe.
“Këto ditë, prijësi i Partisë Demokratike tha se PDK nuk ka vija të kuqe për partitë tjera. Kjo “vija të kuqe” ka qenë një teknikë mashtrimi për të rritur mobilizimin e pjesëtarëve dhe simpatizantëve partiak. Vijat e kuqe të vendosura nga partitë politike kanë ekzistuar tek të gjitha partitë politike pa përjashtim”, tha Meha për “Kosova Times”.
Për më keq ai thotë se partitë politike si grupe të ngushta interesi të kontrolluara nga strumbullari kryesor që ka rolin e liderit, po mbyllen ndaj figurave kredibile e me vlera kombëtare e profesionale, për të futur në radhët e tyre gjithë llumin e shoqërisë, pa asnjë kriter moral, etik e profesional.
“Krerët e partive politike kanë pasur vija të kuqe brenda partive të tyre për individ të ndershëm me vlera të dobishme për Kosovën. Krerët e partive politike kurrë nuk kanë pasur vija të kuqe për individët e pandershëm, individët e pamoralshëm që nga qytetarët njihen si llaskucë. Individët llaskuc janë ngritur lart e më lart. Dhe këto praktika janë zbatuar nga të gjitha partitë politike njëjtë e pa përjashtim. Edhe tani, me krerë tjerë të partive politike nga ata/ato që ishin më përpara, zbatohen praktika të njëjta. Krejt tjerat janë mashtrim, “fjalë në hava” thuhet nga disa”, shtoi Meha për “Kosova Times”.
Ai pohon se vendosja e vijave të kuqe brenda partive politike, dhe mos vendosja e vija të kuqe brenda partive politike është kryer nga rrjeti i strukturave të fshehta serbe brenda partive politike që kanë arritur të futin nën kontroll krerët e partive politike.
“Edhe këta krerët e tanishëm zbatojnë praktika të njëjta me krerët e deritanishëm, dëshmi kjo e të qenit të kontrolluar a pjesëtarë të drejtpërdrejtë të rrjetit të strukturave të mshefta serbo-ruse në Kosovë”, tha analisti Meha.
Madje ai është i bindur se ky konstatim i tij është i qëndrueshëm dhe i pa kontestueshëm, sepse ka fakte.
“Le të dëshmoj cilido prijës i cilësdo parti politike se nuk është i kontrolluar ose drejtpërdrejtë pjesë e rrjetit të këtyre strukturave, kjo lehtë e thjeshtë kryhet me kërkesën që të merret nga AKI certifikata e pastërtisë së figurës për kryetarët dhe anëtarët e kryesive të partive politike”, tha Meha për “Kosova Times”. /Kosovatimes/
