Është pensionuar Komandanti i Gardës Kombëtare, gjeneral brigade Naim Haziri. Ai u nderua me medaljen “Shërbim i shquar”, me motivacion për shërbim të jashtëzakonshëm dhe meritor në Forcën e Sigurisë së Kosovës.
Këtë e ka bërë të ditur përmes një postimi në Facebook, ministri i Mbrojtjes, Ejup Maqedonci.
Ai bëri të ditur se Hazirit i është ndarë medalja “Shërbim i shquar”.
“Me rastin e pensionimit të Komandantit të Gardës Kombëtare, gjeneral brigade Naim Haziri, sot i kam ndarë Medaljen, Shërbim i shquar”, me motivacion për shërbim të jashtëzakonshëm dhe meritor në Forcën e Sigurisë së Kosovës. Në pritjen e veçantë, i shpreha mirënjohjen e lartë për kontributin dhe sakrificën e madhe të tij në Luftën Çlirimtare, si dhe për angazhimin e pandërprerë në TMK, FSK dhe në Ministrinë e Mbrojtjes. Pensionim të qetë, shëndet dhe të gjitha të mirat në jetë Gjeneral!”, ka shkruar Maqedonci. /Kosovatimes/
