Java e shtatë në Superligën e Kosovës në futboll nis sot me ndeshjen ndërmjet Llapit dhe Suharekës.
Ky takim pritet të jetë mjaft interesant dhe të zgjojë kureshtjen e tifozëve llapjanë. Suhareka aktualisht është në pozitën e parë me 13 pikë dhe në pesë ndeshje të zhvilluara nuk di për humbje.
Në anën tjetër, edhe Llapi në dy xhirot e fundit ka treguar formë të mirë, duke realizuar dy fitore dhe aktualisht renditet në pozitën e pestë me 10 pikë, teksa në duelin e sotëm synon ta njoftojë me humbje skuadrën e drejtuar nga Shpëtim Duro.
Ndeshja zhvillohet në stadiumin “Zahir Pajaziti” në Podujevë dhe nis në orën 15:00.
