Ministrja e Jashtme GJERMANE Annalena Baerbock u ka bërë thirrje Kombeve të Bashkuara të zgjedhin një grua si sekretare të përgjithshme pas afro 80 vitesh udhëheqje mashkullore.
Gratë përbëjnë 50 për qind të çdo vendi, tha Baerbock në Asamblenë e Përgjithshme të OKB-së në Nju Jork, “por në 80 vjet kjo organizatë nuk ka pasur kurrë një sekretar të përgjithshëm”. “Pra, nëse kjo organizatë po bën thirrje për barazi dhe drejtësi në botë, është koha që ta tregojmë këtu në Nju Jork”, shtoi ajo.
Mandati i dytë i Guterres përfundon në vitin 2026.
“Sekretarja e ardhshme e përgjithshme e kësaj organizate duhet të jetë grua”, theksoi ajo. Deri më tani, organizata botërore është drejtuar nga nëntë sekretarë të përgjithshëm, të gjithë burra, përfshirë liderin aktual António Guterres.
Guterres, mandati i dytë i të cilit përfundon në vitin 2026, shprehu mbështetjen e tij për një pasuese femër. Në qarqet e OKB-së, zgjedhja e një personi nga Jugu Global konsiderohet e mundshme, me kryeministren e Barbados, Mia Mottley, që shfaqet si një kandidate e mundshme.
