Ferizaj ka shënuar Ditën e Dëshmorëve dhe përvjetorin e Betejës së Jezercit. Të pranishmit në akademinë përkujtimore ritheksuan se pa gjakun e dëshmorëve nuk do të vinte liria.
Me homazhe te varrezat e Dëshmorëve të UCK-së sot në Ferizaj është Shënuar dita e Dëshmorëve dhe 26-vjetori i “Epopesë së Jezercit”.
Në akademinë e organizuar me këtë rast u tha se falë sakrificës së të gjithëve, e sidomos të të rënëve, Kosova sot gëzon lirinë.
“Sot e gjithmonë kujtojmë Dëshmorët e Kombit shpirtin dhe sakrificën së mbarë popullit për të shtrenjtën liri për ëndrrën e bartur e bartur ndër shekuj për të sotmen që gëzojmë”, ka thënë Agim Aliu, kryetar i Ferizajt.
Përfaqësues i Shoqatave të dala nga lufta e UÇK-së, Shaban Rexhepi, ka thënë se me 28 shtator të vitit 1998, zhvillohet beteja e parë ndërmjet UÇK-së dhe forcave okupuese në Jezerc.
“UÇK-ja edhe pse në numër solid të ushtarëve me kufizim të armatimit arriti ti bëjë ballë armikut deri në tërheqjen e tyre. Në këtë betejë ranë heroikisht 9 Dëshmor”, ka theksuar ai.
Në shenjë nderimi për gjeneralin Imri Ilazi, i cili ka vdekur sot, janë pezulluar shumë aktivitete të tjera për shënimin e kësaj dite.
