Drejtoresha për ofrimin e mbrojtjes sociale në komunitet, Adrijana Hoxhiq, ka uruar Ditën e Boshnjakëve. Hoxhiç tha se Dita e Boshnjakëve është më shumë se një datë.
Ajo ka theksuar se kjo ditë është një simbol i luftës për të ruajtur unitetin, forcën dhe shpresën për të ardhmen.
“Në këtë ditë ne festojmë historinë, kulturën dhe identitetin tonë – gjithçka që na bën të veçantë dhe krenarë. Dita e Boshnjakëve është më shumë se një datë – ajo është një simbol i luftës sonë për të ruajtur unitetin, forcën tonë dhe shpresë për të ardhmen. Na kujtoftë kjo ditë bukurinë e traditës sonë, pasurinë e gjuhës, zakoneve dhe vlerat që na lidhin”, ka thënë Hoxhiq.
“Së bashku, të bashkuar në diversitet, të vazhdojmë të ndërtojmë paqen dhe mirëkuptimin, si në zemrat tona, si dhe në komunitetet që përbëjnë shtëpinë tonë. Gëzuar Ditën e Boshnjakëve!”, ka uruar ajo. /Kosovatimes/
