Inter ka shënuar fitoren e tretë të sezonit në Serie A, duke mposhtur Udinesen me rezultat 3-2 në një ndeshje dramatike të zhvilluar në “Stadio Friuli”.
Vetëm dyzet sekonda pas fillimit, Interi e ka befasuar skuadrën vendase, kur pasimi i saktë i Darmian ka ndarë mbrojtjen duke liruar Frattesi, i cili ka shënuar golin e parë të ndeshjes.
Megjithatë, Udinese ka përfituar nga mungesa e efikasitetit të Interit për të dyfishuar epërsinë dhe ia ka arritur ta barazojë rezultatin pak para përfundimit të pjesës së parë. Kabasele ka realizuar me një goditje me kokë pas një krosimi të saktë nga Zemura, duke u dhënë shpresë tifozëve vendas për një përmbysje të mundshme. Mirëpo Martinez ka reaguar shpejt, duke rikthyer epërsinë e Interit në “Stadio Friuli” dhe duke bërë që pjesa e parë të mbyllet 1-2.
Në fillimin e pjesës së dytë, Interi ka treguar veten prapë. Vetëm dy minuta pas rifillimit të lojës, Martínez ka shënuar golin e tij të dytë personal dhe të tretin për Interin, duke e thelluar epërsinë e skuadrës së tij.
Pavarësisht përpjekjeve të Udineses për të rikthyer ndeshjen në kontroll, mbrojtja e Inter ishte e vendosur.
Megjithatë, dhjetë minuta para fundit të ndeshjes, zëvendësuesi Lucca ka depërtuar në mbrojtjen e Interit duke e kaluar portierin Sommer dhe duke shënuar.
Ndërsa Udinese kërkonte barazimin, Inter ia ka arritur ta ruante rezultatin dhe të sigurojë fitoren.
Në tabelën e Serie A, Inter gjendet në vendin e tretë me njëmbëdhjetë pikë, njësoj si rivali i qytetit, Milan, që është në vendin e dytë. Torino kryeson renditjen me po aq pikë. Ndërkohë, Udinese mban vendin e gjashtë me dhjetë pikë.
