Kryeministri Albin Kurti ka shkruar për takimet që ka zhvilluar në Nju Jork, të cilat i ka quajtur produktive.
Kurti ka theksuar se ka realizuar pesë takime të rëndësishme për raportet e Kosovës me miq të çmueshëm, dhe për mundësi të reja.
Ai i ka përmendur takimet me ndihmëssekretarin amerikan, James O’Brien, zv.ndihmëssekretarin e SHBA-së për Ballkanin Perëndimor, Alexander Kasanof, emisarin e BE-së, Miroslav Lajçak, kryeministrin e Kroacisë, kardinalin Pietro Parolin, kryeministrin e Grenadës, dhe zëvendëskryeministrin e Emirateve Arabe.
“Biseda produktive për zhvillimet aktuale dhe të ardhmen me Ndihmës Sekretarin e Shtetit, James O’Brien, Zëvendës Ndihmës Sekretarin e Shteteve të Bashkuara të Amerikës për Ballkanin Perëndimor, Alexander Kasanof dhe emisarin e BE-së, Miroslav Lajçak, Kryeministrin e Kroacisë, Andrej Plenković, Sekretarin e Shtetit të Selisë së Shenjtë, Kardinalin Pietro Parolin, Kryeministrin e Grenadës, Dickon Mitchell, dhe Zëvendëskryeministrin dhe Ministrin e Punëve të Jashtme të Emirateve të Bashkuara Arabe, Sheikh Abdullah bin Zayed Al Nahyan”, ka shkruar Kurti.
Kujtojmë se Kurti gjatë takimit me O’Brien dhe me Lajçak, ka thënë se Kosova është e përkushtuar në procesin e normalizimit të raporteve Kosovë-Serbi, sipas parimeve të Marrëveshjes Bazike të Brukselit dhe Aneksit të Ohrit.
Ndërsa në takimin me kryeministrin e Kroacisë, Andrej Plenkoviq,u bisedua për sigurinë në Ballkan, ku kryeministri Kurti ka theksuar se Serbia mbetet faktor destabilizues e kërcënues i rajonit. /Kosovatimes/
