Deputetja Doarsa Kica-Xhelili ka reaguar fuqishëm ndaj deklaratave të ministrit të Brendshëm, Xhelal Sveçla, të bëra gjatë një interviste me gazetaren Jeta Xharra.
Sipas Kica-Xhelilit, pretendimet e ministrit se tenderët nuk mund të bëhen publikë për shkak të kërcënimeve nga Rusia dhe Serbia janë të papranueshme.
Ajo e akuzoi qeverinë për fshehjen e tenderëve dhe favorizimin e kompanive të caktuara.
Deputetja ngriti shqetësime të veçanta për një kontratë IT prej 15 milionë eurosh, e cila, sipas saj, u dha në mënyrë të dyshimtë një kompanie të dyshuar për korrupsion në Shqipëri, duke rritur çmimin nga 9 në 15 milionë euro. /Kosovatimes/
