Rusia nisi disa sulme me dronë në Kiev herët këtë mëngjes dhe njësitë e mbrojtjes ajrore po mbrojnë me sukses qytetin, njoftoi ushtria ukrainase.
Reuters shkruan se dëshmitarët dëgjuan shpërthime të shumta në kryeqytetin e Ukrainës dhe se panë mbrojtje ajrore duke goditur objektet në ajër.
Të gjithë dronët e lëshuar nga Rusia në Kiev u shkatërruan nga sistemet e mbrojtjes ose u neutralizuan nga lufta elektronike, tha Serhiy Popko, kreu i administratës ushtarake të Kievit.
Vlerësimet e shkallës së sulmit do të publikohen gjatë ditës, por sipas informacioneve paraprake, nuk ka viktima dhe nuk raportohet për dëme, shtoi ai.
Alarmi për sulmin ajror për zonën e Kievit, rajonin e Kievit dhe të gjithë pjesën lindore të Ukrainës ishte në fuqi për më shumë se pesë orë mëngjesin e sotëm, njoftoi Forcat Ajrore të Ukrainës.
